සූර්යා නිරීක්ශනය කිරීමට විශේෂයෙන්ම නිර්මානය කරන ලද පාකර් සූර්ය නිරීක්ශන යානය සූර්ය කොරෝනාවට ඇතුලු වීමට සමත් වූ අතර එහි වීඩීයෝ දර්ශනයක් නාසා ආයතනය සහ ජෝන් හොප්කින්ස් විශ්ව විද්‍යාලය මගින් නිකුත් කර තිබෙනවා. යානයේ සවි කර ඇති පුලුල් පරාස දර්ශන උපකරනය මගින් ලබාගෙන ඇති එහි, සූර්යාගෙන් නිකුත් වන අයණ ප්‍රවාහයන් පහසුවෙන් දැකිය හැකියි. මෙම දත්ත මගින් සූර්ය සුලඟ, උත්තරාලෝක සහ විකිරනශීලිතාවය පිලිබඳ තොරතුරු රැසක් අනාවරනය කර ගැනීමට විද්‍යාඥයන් බලාපොරොත්තු වනවා. සූර්ය විකිරණයෙන් ආරක්ශා වීමට විශේෂයෙන් සකසන ලද මෙම යානය අප්‍රේල් වනවිට සූර්ය කොරෝනාව තුලට නැවත පිවිසීමට සූදානම් වනවා.